வதந்திகளில் உண்மை இல்லை: காஜல் அகர்வால்

பாரதிராஜா இயக்கத்தில் 'பொம்மலாட்டம்' படம் மூலம் தமிழில் அறிமுகமானார். 'பழனி', 'சரோஜா', 'மோதி விளையாடு', 'நான் மகான் அல்ல' படங்களில் நடித்துள்ளார். தெலுங்கிலும் முன்னணி நடிகையாக உள்ளார். காஜல் அகர்வால் கவர்ச்சிக்கு மாறி இருப்பதாகவும், நீச்சல் உடைக்கு இறங்கி வந்திருப்பதாகவும் தெலுங்கு பட உலகில் கிசுகிசுக்கள் பரவின. இதுபற்றி காஜல் அகர்வாலிடம் கேட்டபோது அவர் கூறியதாவது:- நீச்சல் உடையில் நடிப்பதுதான் கவர்ச்சி என்பதில் எனக்கு உடன்பாடு இல்லை. மாடர்ன் டிரெஸ்சும் கூட கவர்ச்சியாக தெரியலாம். எனக்கு நீச்சல் உடையில் நடிக்க அழைப்பு வந்தால் நிச்சயம் ஏற்கமாட்டேன். மறுத்து விடுவேன். தெலுங்கு படங்களில் பிசியாக நடித்து வருகிறேன். இந்தியிலும் நடித்துள்ளேன். என்னைப்பற்றி நிறைய வதந்திகள் பரவுகின்றன. அவற்றில் உண்மை இல்லை. விரைவில் ஐதராபாத்தில் வீடு பார்த்து தங்க முடிவு செய்துள்ளேன்.